Épy il o kère l'picard !

On peut lire le texte en français en bas de page

L'25 d'novembre 2022, no commeune, alle signi l'Charte pour l'rinforchage d'el langue picarde. Si os voulez savoèr à quoé qu'alle s'est ingagi, os pouvez télékerker ch'documint-là :

L' charte
Charte pour le picard Epehy.pdf
Document Adobe Acrobat 1.9 MB

     Et c'mint qu'cha s'est passé l'cérémonie-là ? 

 

     Ben, pour c'mincher, Abdon o expliqui qu'ch'est l'tchote Françoése, Françoése Desmaret, chelle qu'alle cause in picard dins ch'poste sur France bleu Picardie qui avot prouposer à l'commeune d'Épy d'signi l'charte-là. Ouais pass'que Françoése alle connot bien Épy vu qu'alle est d'Villers et qu'alle sait bien qu'à Épy in s'in sert d'ch'picard : aveuc l'troupe d'téyate Épyserit, dins ch'Quoé d'Neuf aveuc Abdon et pis quind alle est v'nue pour ch'tchou souper in picard, etc...

           Apris nou' Maire il o expliqui que ch'Conseil il o tout d'suite été pour . Il o aussi dit qu'li, il avot kère s'in servir de ch'picard quind y voulot moutrer combien ches gins, à qui y s'adressot, y avo'te d'l'importance pour li.

          Pis Maryse Fagot, no' conseillère régionale alle o erdit qu'à l'région in voulot absolumint sout'nir l'culture régionale et donc,  ch'picard comme ch'flamand et qu'elle alle s'ermue toudis tout ch'qu'y vo dins ch'bon sins dins no'coin.

           Pis cha été ch'tour d'Anne Tiberghien, l'présidinte de ch'agince pour ch'picard qui o erdit pourquoé ch'étot important d'seuver l'culture picarde, qu'y n'avot kwère békeup d'gins qui l'parlo'te, qu'y n'avot des gins qui étudio'te l'langue-là et qu'alle étot bénaise qu'pouleur in pouvot même l'l'inseigni dins ches écoles.

        Et justemint, ches pus grands élèfes d'no'école aveuc leu'moaîte y sont v'nus canter "ch'tchot Quinquin" pour moutrer qu'y z'éto'te intéressés eux aussi !

          Pis apris no' Maire et l'présidinte d'l'agince pour ch'picard y z'ont signi l'charte-là.

          Et ch'est apris cha qu'y n'o yeu eine étchipe de l'mason d'artraite qui est v'nue expliqui él recette de l'flamique au maroille in picard pour sûr !

          Et pour finir, l'troupe Épyserit alle o moutré qu'dins ches expressions picardes y n'avot d'l'humour pis du bon sins ! ! Et pour cha alle o interrogi ches gins pour vir si y savo’te traduire in picard d’s’z’expressions françaises.

 

 

Traduction du texte de présentation.

Le 25 d'novembre 2022, notre  commune a signé la Charte pour l'a promotion de la langue picarde. 

 

Comment s’est passée cette cérémonie ?

 Pour commencer, Abdon a expliqué que c’est Françoise Desmaret, celle qui parle en picard sur France bleu Picardie qui avait proposer à la commune d'Épehy de signer cette charte-là. En effet Françoise connait bien Épehy puisqu’elle est originaire de VillersFaucon et  sait bien qu'on utilise le picard ici : avec la troupe de téhâtre Épyserit, dans le Quoi de Neuf avec Abdon et puis quand elle est v'nue pour le petit souper in picard, etc...

  Après notre Maire a expliqué que le Conseil Municipal a tout de suite accepté ce projet. Il a aussi dit que lui, aimait se servir du picard quand il voulait montrer combien les personnes, à qui il s'adressait,  avaient de l'importance pour lui.

  Ensuite Maryse Fagot, notre conseillère régionale, a redit qu'à la région on voulait absolument soutenir l'culture régionale et donc le picard comme le flamand et qu'elle sera toujours derrière ce qui va dans le bon sens localement

Enfin ce fut le tour d'Anne Tiberghien, la présidente de l’Agence pour le picard qui a réaffirmé comme il est important de sauver la culture picarde, qu'il y avait encore beaucoup de personnes  qui le parlaient, qu'on étudiait cette langue et elle était très heureuse que maintenant il était possible de l'enseigner dans les écoles.

        Et justement, les pus grands élèves de notre école avec leur maître sont venus chanter "le p’tit Quinquin" pour montrer qu'ils  étaient intéressés eux aussi !

       Après cela, notre Maire et la présidente de l'Agence pour le picard ont signé cette convcention.

       A la suite de quoi, une équipe de l'maison de retraite  est venue expliquer la recette de la tarte au maroille en picard bien sûr !

          Et pour finir, la troupe Épyserit a montré comme dans les expressions picardes il y avait d'e l’humour et du bon sens ! Et pour cela alle o interrogé le public pour savoir qui était capable de traduire en picard certaines expressions françaises.

 

 

On peut télécharger l'article du courrier picard ici
signature de la charte.jpg
Image JPG 209.3 KB